O PLAN URBAN

Desde o Grupo Diversidade Funcional (DIVERFFEC) imos participar no PLAN URBAN coa intención de facer fincapé en que todos os proxectos previstos contemplen as normas de accesibilidade. O Plan inclúe o acondicionamento de Ferrol Vello, Canido e o Barrio da Magdalena que son os barrios de orixe de Ferrol e que, tal como se recoñéce na Carta de Leipzig sobre cidades europeas sostibles de 2007, recuperar o pulso das zonas históricas é unha forma de atraer negocios e turismo e, no noso caso, sería unha forma de dinamizar o desenvolvemento económico e social non só de Ferrol senón de toda a comarca.

Desde DIVERFFEC queremos obter un compromiso dos responsables de PLAN URBAN para que os comerciantes teñan as axudas necesarias, así como a obrigación, non só moral, de que os locais comerciais sexan accesibles tanto para usuarios como para posibles traballadores tal como recolle a Lei de Accesibilidade de Galicia que segue sen cumprirse logo de 12 anos da súa entrada en vigor.

Chamounos a atención a ausencia na reunión de Asociacións que desde o noso punto de vista si deberían estar implicadas connosco para facer causa común fronte a tantos incumprimentos de Lei. Estámonos referindo aos nosos compañeiros de ACAMFE, CAMF, ASPANEMI e Asociación Socio-Cultural de Minusválidos. Desde aquí queremos facer unha invitación a todos eles para expornos metas comúns encamiñadas a conseguir unha contorna máis digna para nós e para as xeracións vindeiras.

Creado por Olga.